Temas avanzados

Ficheiros e variables do contorno

Terminal usa a Especificación Basedir tal como se define en Freedesktop.org para atopar os seus datos e os seus ficheiros de configuración. Isto significa que as localizacións dos ficheiros se especificarán como unha ruta relativa aos directorio especificados na especificación.

${XDG_CONFIG_HOME}

O primeiro directorio no que se han buscar os ficheiros de configuración. Por defecto está definido a ~/.config/.

${XDG_CONFIG_DIRS}

Un lista separada por comas de directorios base que conteñen datos de configuración. Por defecto o aplicativo mirará en filename role="directory">${sysconfdir}/xdg/

${XDG_DATA_HOME}

A raíz de tódolos ficheiros de datos específicos do usuario. Por defecto é ~/.local/share/.

${XDG_DATA_DIRS}

Un conxunto de directorios base ordenados por preferencia relativos nos cales se deben buscar os ficheiros de datos ademais de no directorio base ${XDG_DATA_HOME}. Os directorios deben separarse con comas.

${XDG_CONFIG_DIRS}/Terminal/terminalrc

Esta é a localización do ficheiro de configuración que inclúe as preferencias que controlan o aspecto e mailo comportamento de Terminal.

${XDG_DATA_DIRS}/Terminal/Terminal-toolbars.ui

Este ficheiro inclúe a definición da interface de usuario para as barras de ferramentas. Se personaliza as barras de ferramentas usando o editor gráfico de barras de ferramentas, Terminal ha gardar a disposición das novas barras de ferramentas no ficheiro ${XDG_DATA_HOME}/Terminal/Terminal-toolbars.ui.

Opcións ocultas

Terminal ofrece unhas poucas opcións ocultas que lle permiten aos usuarios avanzados controlar varias opcións avanzadas e que reducen o número de opcións na interface de usuario. Para definir algunha destas opcións, terá que abrir o ficheiro ${XDG_CONFIG_HOME}/Terminal/terminalrc co seu editor de texto preferido e editar a sección [Configuration]; se o ficheiro non existe só ten que crealo. Por exemplo, terminalrc podería ter o seguinte aspecto

[Configuration]
MiscAlwaysShowTabs=TRUE
MiscBell=TRUE
MiscConfirmClose=FALSE
MiscCursorBlinks=TRUE
MiscCursorShape=TERMINAL_CURSOR_SHAPE_BLOCK
MiscCycleTabs=FALSE
MiscInheritGeometry=TRUE
MiscMouseAutohide=FALSE
MiscTabCloseButtons=TRUE
MiscTabCloseMiddleClick=TRUE
MiscTabPosition=GTK_POS_TOP
MiscHighlightUrls=TRUE

ademais de tódalas opcións que se controlan a través do diálogo de preferencias.

MiscAlwaysShowTabs

Se vale TRUE sempre se mostrarán as cabeceiras das lapelas aínda que só estea aberta unha lapela. Esta opción é útil se non quere que se redimensione a xanela da terminal cando abre unha segunda lapela. Por defecto está desactivada.

MiscBell

Activa (MiscBell=TRUE) ou desactiva (MiscBell=FALSE) a campá da terminal. Por defecto está desactivada.

MiscConfirmClose

Controla se Terminal mostra un diálogo emerxente de confirmación cando o usuario intenta pechar unha xanela da terminal con varias lapelas abertas. Pode valer TRUE (o predeterminado) ou FALSE.

MiscCursorBlinks

Active esta opción para mostrar un cursor que parpadexa. Pode ser TRUE ou FALSE (o valor predeterminado).

MiscCursorShape

Especifica a forma do cursor na terminal. Pode ser TERMINAL_CURSOR_SHAPE_BLOCK (o valor predeterminado), TERMINAL_CURSOR_SHAPE_IBEAM ou TERMINAL_CURSOR_SHAPE_UNDERLINE. Esta opción só está dispoñible cando se compilou con VTE 0.19.1 ou posterior.

MiscCycleTabs

Esta opción controla se se pode ou non percorrer as lapelas da terminal. É dicir, se vostede pode ir da última lapela á primeira usando o botón Seguinte lapela do menú Ir a (ou co atallo de teclado asociado), e dende a primeira lapela á última usando o botón Lapela anterior do menú Ir a. A opción pode valer TRUE (valor predeterminado) ou FALSE.

MiscDefaultGeometry

A xeometría predeterminada das novas xanelas de Terminal se non se especifica a opción --geometry=xeometría na liña de ordes (por defecto é 80x24).

MiscInheritGeometry

Esta opción controla se as novas xanelas herdan a xeometría (ancho e alto da lapela activa) da súa xanela nai (a xanela dende a que se abriu a nova xanela). Pode valer TRUE ou FALSE (o valor predeterminado).

MiscMouseAutohide

Esta opción controla se Terminal agochará o cursor do rato cando está escribindo nunha xanela da terminal. Pode ser TRUE ou FALSE (o valor predeterminado).

MiscTabCloseButtons

Esta opción controla se Terminal proporciona un botón para pechar a carón do título das lapelas da terminal. Pode ser TRUE (o valor predeterminado) ou FALSE.

MiscTabCloseMiddleClick

Esta opción controla se Terminal pecha unha lapela da terminal cando o usuario preme co botón central no título da lapela. Pode ser TRUE (o valor predeterminado) ou FALSE.

MiscTabPosition

Especifica a posición na que se deben mostrar as cabeceiras das lapelas. A posición pode ser GTK_POS_TOP (a predeterminada), GTK_POS_LEFT, GTK_POS_BOTTOM ou GTK_POS_RIGHT. Se especifica aquí GTK_POS_LEFT ou GTK_POS_RIGHT, os textos das cabeceiras das lapelas mostraranse en vertical e non en horizontal. É moi recomendable que desactive MiscTabCloseButtons para GTK_POS_LEFT e GTK_POS_RIGHT.

MiscHighlightUrls

Esta opción controla se os URLs - tanto as hiperligazóns como os enderezos de correo-e se realzarán no texto mostrado na xanela da terminal. Se cambia esta opción a FALSE, os URLs non se realzarán e non poderá premer co botón central no URL para abrilo co aplicativo preferido.